وفاقی وزیر کا ٹک ٹاک پر عائد پابندی ختم کرنے کا مشروط اعلان

کراچی: وفاقی وزیر برائے انفارمیشن ٹیکنالوجی و کمیونیکیشن امین الحق نے ٹک ٹاک کی دوبارہ بحالی کا مشروط اعلان کردیا۔

وفاقی وزیر آئی ٹی و ٹیلی کمیونیکیشن  آمین الحق کا اپنے بیان میں کہنا تھا کہ ’آئی ٹی منسٹری کسی بھی ایسی پابندی کے خلاف ہے جو ترقی کے عمل میں رکاوٹ بنے مگر ہم نے ٹک ٹاک کو پچھلے تین ماہ میں شیئرہونے والے مواد کے حوالے سے 2 بار خبردار کیا‘۔

اُن کا کہنا تھا کہ’ وارننگ کے باوجود ٹک ٹاک انتظامیہ پاکستان کی جانب سے کی جانے والی شکایت اور پالیسی پر عمل درآمد نہیں کیا‘۔

امین الحق نے واضح کیا کہ حکومت پاکستان سوشل میڈیا پر تین چیزیں برداشت نہیں کرے گی۔ انہوں نے بتایا کہ ’غیر اخلاقی مواد ، نفرت انگیز تقریر یا ایسا مواد جو  ریاست پاکستان کے خلاف ہو  اُسے کے خلاف کارروائی ہوگی‘۔

مزید پڑھیں: ن لیگی رہنما کا ’’ٹک ٹاک‘‘پر سے پابندی ہٹانے کا مطالبہ

یہ بھی پڑھیں: ٹک ٹاک ایپ سے متعلق پی ٹی اے کا بڑا فیصلہ

وزیر برائے آئی ٹی کا کہنا تھا کہ ’پی ٹی اے نے ٹک ٹاک انتظامیہ کو ایسا مواد ہٹانے کی درخواست کی اور بتایا تھا کہ اگر عمل درآمد نہ کیا گیا تو سروس پاکستان میں بند کردی جائے گی، ٹک ٹاک اور پی ٹی اے ایک دوسرے کے ساتھ رابطے میں ہیں‘۔

امین الحق کا کہنا تھا کہ ’ٹک ٹاک انتظامیہ جب غیر مناسب مواد ہٹا کر  ریاست پاکستان کی پالیسی پر عمل کرنا شروع کرے گی تو سروس کو دوبارہ بحال کردیا جائے گا‘۔

The post وفاقی وزیر کا ٹک ٹاک پر عائد پابندی ختم کرنے کا مشروط اعلان appeared first on ARYNews.tv | Urdu - Har Lamha Bakhabar.

from سائنس اور ٹیکنالوجی – ARYNews.tv | Urdu – Har Lamha Bakhabar https://ift.tt/3lCpG45